Վրաստանի նախագահ Սալոմե Զուրաբիշվիլին, ռուսների ներհոսքի ֆոնին, չի բացառել Ռուսաստանի հետ առանց վիզայի ռեժիմի վերանայումը։ Ներհոսքն ահագնացավ Ուկրաինայի պատերազմից հետո։ Նախագահն այս մասին հայտարարել է արել Քիշնևում՝ Մոլդովայի նախագահ Մայա Սանդուի հետ համատեղ ասուլիսին։
«Հնարավոր է՝ ստիպված լինենք վերանայել վիզային ռեժիմը, որն այսօրվա պայմաններում բավական ազատական է և կարող է պակաս ընդունելի լինել այս ագրեսիայի պայմաններում։ Այդ ամենը պետք է որոշի կառավարությունը՝ հասարակության հետ միասին»,- ասել է Զուրաբիշվիլին։