Երևանում տեղի է ունենում ֆրանսիահայ մեծանուն շանսոնիե Շառլ Ազնավուրի արձանի բացման հանդիսավոր արարողությունը։
Քաղաքապետ Տիգրան Ավինյանը իր ելույթում կարևորել է մայրաքաղաքում նման արձանի տեղադրումը․ «Մենք կարևոր համարեցինք, որ այս հրապարակում՝ Ազնավուրի անունը կրող միջավայրում, լինի մի արձան, որը կխորհրդանշի նրա մշտական ներկայությունը մեր քաղաքում»։
Նրա խոսքով՝ այս վայրը դառնալու է հանդիպման և հիշողության վայր ոչ միայն երևանցիների, այլև քաղաքի հյուրերի համար։
