«Գիրքը և ընթերցանությունն անհատին փոխակերպելու լավագույն միջոցն են». Տիգրան Ավինյան
Երևան
24 Մայիսի, 12:03
«Գիրքը և ընթերցանությունը քաղաքային մշակույթի անբաժանելի մասն են և անհատին փոխակերպելու լավագույն միջոցը։ Տեխնոլոգիաների դարում մեր քաղաքում գրքի դերն ավելի ու ավելի է ընդգծվում»,- հայտարարել է Երևանի փոխքաղաքապետ Տիգրան Ավինյանը՝ գրքի երևանյան միջազգային վեցերորդ փառատոնին նվիրված ասուլիսում։
Ավինյանի խոսքով՝ քաղաքապետարանն աջակցելու է գրքի հետ կապված բոլոր միջոցառումները։ Խոսելով գրքի երևանյան միջազգային փառատոնի մասին՝ Ավինյանը շեշտել է, որ սա մեծ տոն է լինելու ընթերցասերների համար։
Տիգրան Ավինյանը, խոսելով իր ընթերցած գրքերի մասին, նշել է, որ կարդում է հիմնականում դասական գրականություն և արտասահմանյան գրողների։ Նա նշել է, որ հետաքրքիր գրքեր է նվեր ստացել. «Ամենահետաքրքիրը, որ կուզենայի նշել, Դա Վինչիի կյանքին վերաբերող գիրքն էր, որ հրատարակվել էր «Անտարեսի» կողմից»։
Հետևեք մեզ Telegram-ում
