ԱՄՆ Տեխաս նահանգում շարունակվում են որոնողափրկարարական աշխատանքները հուլիսի 4-ին տեղի ունեցած ավերիչ ջրհեղեղից հետո: Վերջին տվյալներով՝ զոհերի թիվը հասել է 109-ի, իսկ Քեր շրջանում 161 մարդ համարվում է անհետ կորած:
Աշխատանքները կշարունակվեն այնքան ժամանակ, քանի դեռ չեն գտնվել բոլոր անհայտ կորածները:
ԱՄՆ նախագահ Դոնալդ Թրամփը Քերի շրջանը տարերային աղետի գոտի է հայտարարել:
Տեղական իշխանությունները ազգային եղանակային ծառայությանը մեղադրել են վերահաս աղետի մասին սխալ նախազգուշացնելու մեջ՝ դա կապելով Թրամփի վարչակազմի նախաձեռնած խնայողական քաղաքականության շրջանակներում կատարված բյուջետային կրճատումների հետ:
