Ռուսաստանի Անվտանգության խորհրդի փոխնախագահ Դմիտրի Մեդվեդևը ենթադրել է, որ ՆԱՏՕ-ի գլխավոր քարտուղար Մարկ Ռյուտեն չափազանց շատ «կախարդական սունկ» է կերել՝ Ռուսաստանի և Չինաստանի միջև Թայվանի շուրջ դավադրության մասին իր մտքերով։
«Սերժանտ Ռյուտեն ակնհայտորեն չափազանց շատ կախարդական սունկ է կերել, որոնք հոլանդացիներն այդքան շատ են սիրում: Նա տեսնում է Չինաստանի և Ռուսաստանի միջև Թայվանի շուրջ դավադրություն, իսկ հետո՝ Ռուսաստանի կողմից Եվրոպայի վրա հարձակում»,- գրել է Մեդվեդևը X-ում՝ մեկնաբանելով ՆԱՏՕ-ի գլխավոր քարտուղարի խոսքերը Ռուսաստանի կողմից ԵՄ երկրների վրա Չինաստանի հետ համակարգված հարձակվելու հնարավորության մասին։
Նա նաև ասել է, որ Ռյուտեն ճիշտ է, որ պետք է ռուսերեն սովորի, քանի որ այն «կարող է օգտակար լինել սիբիրյան ճամբարում»։
Ավելի վաղ ՆԱՏՕ-ի գլխավոր քարտուղարը The New York Times-ին տված հարցազրույցում ասել էր, որ իր կարծիքով՝ Ռուսաստանը, Չինաստանի հետ համակարգված, կհարձակվի ՆԱՏՕ-ի վրա՝ Միացյալ Նահանգների ուշադրությունը շեղելու համար, եթե Չինաստանի նախագահ Սի Ծինպինը որոշի «հարձակվել Թայվանի վրա»։ Նա նաև նշել էր, որ մինչև 2035 թվականը պաշտպանական ծախսերը ՀՆԱ-ի 5%-ին հասցնելու վերաբերյալ ձեռք բերված համաձայնությունը անհրաժեշտ է ՆԱՏՕ-ի երկրների անվտանգությունը երաշխավորելու համար, այդ թվում՝ Ռուսաստանից, հակառակ դեպքում Հյուսիսատլանտյան դաշինքի երկրները ստիպված կլինեն ռուսերեն սովորել։
