Ամերիկացի կոմպոզիտոր Մարկ Սնոուն, ով «Գաղտնի նյութեր» (1996-2018) հեռուստասերիալի կոմպոզիտորն է, մահացել է 78 տարեկան հասակում: Այս մասին հայտնել է The Variety ամսագիրը։
Սնոուն մահացել է ԱՄՆ-ի Կոնեկտիկուտ նահանգում գտնվող իր տանը։ «Գաղտնի նյութեր»-ից բացի, նա երաժշտություն է գրել նաև «Սմոլվիլի գաղտնիքը» (2001-2017), «Ուրվականների հետ խոսողը» (2005-2010), «Հարտ ամուսինները» (1979-1984) հեռուստասերիալների և այլ նախագծերի համար։
Ամերիկացի կոմպոզիտոր Մարտին Ֆուլտերմանը ծնվել է 1946 թվականի օգոստոսի 26-ին՝ Բրուքլինում, ԱՄՆ: Նա սկսել է դաշնամուր նվագել 10 տարեկանում և սովորել է Նյու Յորքի երաժշտության և արվեստի ավագ դպրոցում: Կարճատև երաժշտական կարիերայից հետո Ֆուլտերմանը տեղափոխվել է Լոս Անջելես, որտեղ ընդունել է Մարկ Սնոու բեմական անունը և գրել իր դեբյուտային ստեղծագործությունը «Սկսնակները» (1972-1976) հեռուստասերիալի համար։
