Միջազգային
«ԱՄՆ-ը քննարկելու է Ուկրաինային Patriot հակահրթիռային համակարգեր տրամադրելու հարցը». Թրամփ
ԱՄՆ նախագահ Դոնալդ Թրամփը հայտարարել է, որ կքննարկի Ուկրաինային Ռուսաստանի գրոհներից պաշտպանվելու համար լրացուցիչ Patriot հակահրթիռային համակարգերի տրամադրելու հարցը։ Նա նշել է, որ Վլադիմիր Պուտինը «պետք է վերջ դնի այդ պատերազմին»:
Այս հայտարարությունը Թրամփն արել է Հաագայում ՆԱՏՕ-ի գագաթնաժողովի շրջանակներում Ուկրաինայի նախագահ Վոլոդիմիր Զելենսկու հետ 50 րոպե տևած հանդիպումից հետո:
Երկու առաջնորդներն էլ հանդիպումը բնութագրել են որպես դրական քայլ՝ ընդգծելով, որ Թրամփի խոսքով՝ այս հակամարտությունն «ավելի բարդ է, քան մյուս պատերազմները»: Թրամփը մամուլի ասուլիսում նշել է, որ Patriot համակարգերը «դժվար է ձեռք բերել», սակայն «մենք կտեսնենք, թե արդյոք կարող ենք դրանցից մի քանիսը հասանելի դարձնել»:
Հարցին, թե արդյոք Վաշինգտոնը այս տարի կավելացնի Ուկրաինայի պաշտպանության ֆինանսավորումը, Թրամփը պատասխանել է. «Ինչ վերաբերում է ֆինանսավորմանը, կտեսնենք, թե ինչ կլինի»:
