Մեքսիկայի նախագահ Կլաուդիա Շեյնբաումը հայտարարել է, որ երկրի կառավարությունը դատական հայց է ներկայացրել Google-ի դեմ՝ իր Google Maps քարտեզագրական ծառայությունում Մեքսիկական ծոցն «ամերիկյան» անվանափոխելու համար։ Այս մասին գրում է ՏԱՍՍ-ը։
Ամենօրյա մամուլի ասուլիսում Շեյնբաումը հայտարարել է, որ դատական հայցը վերանայման փուլում է։ Նա ընդգծել է, որ Մեքսիկան ձգտում է կատարել ԱՄՆ կառավարության անվանափոխության հրամանագիրը, որը վերաբերում է միայն ծոցի այն մասին, որը գտնվում է ԱՄՆ մայրցամաքային շելֆի վրա։
Մեքսիկական կողմի պնդմամբ՝ Միացյալ Նահանգները լիազորություններ չունի ամբողջ ծոցը վերանվանելու համար։
«Նրանք կարող են իրենց տարածքի մի մասն անվանել այնպես, ինչպես ուզում են։ Բայց այն մասը, որը համապատասխանում է Մեքսիկային, չի կարող վերանվանվել»,- ընդգծել է Շեյնբաումը։
Փետրվարին ամերիկյան Apple կորպորացիան, հետևելով Google-ին, իր քարտեզներում ԱՄՆ օգտատերերի համար վերանվանել էր Մեքսիկական ծոցն Ամերիկյան ծոց։
Հունվարի 21-ին ԱՄՆ նախագահ Դոնալդ Թրամփն ստորագրել էր գործադիր հրամանագիր, որով մեկնարկել էր Մեքսիկական ծոցը պաշտոնապես Ամերիկյան ծոց անվանափոխելու գործընթացը, իսկ Հյուսիսային Ամերիկայի ամենաբարձր լեռը՝ Դենալին, Մաքքինլի լեռ։
