Գերմանիայի նոր կանցլեր Ֆրիդրիխ Մերցը հայտարարել է եվրոպական դաշնակիցների հետ միջուկային զսպման հարցերը քննարկելու պատրաստակամության մասին․
«Ես տեսնում եմ հիմնարար անհրաժեշտություն, որ մենք Ֆրանսիայի և Միացյալ Թագավորության հետ քննարկենք այն հարցը, թե ինչպես կարող ենք ապագայում համատեղ ապահովել նման զսպումը», - ասել է Մերցը Ֆրանսիա կատարած իր առաջին այցի ժամանակ։
Ընդ որում, Ֆրանսիայի միջուկային հովանոցի հնարավոր ընդլայնումը չի փոխարինի ԱՄՆ-ի միջուկային երաշխիքներին, այլ դրանց լրացումը կդառնա․ նշել է Գերմանիայի կանցլերը նոր պաշտոնում իր առաջին արտասահմանյան այցի ընթացքում:
Մերցը նաև հայտարարել է Ֆրանսիայի հետ «3+3» ձևաչափով ապագա բանակցությունների մասին, ինչը ենթադրում է, որ հանդիպումներին կմասնակցեն Գերմանիայի կանցլերը և Ֆրանսիայի նախագահը, ինչպես նաև երկու երկրների արտաքին գործերի և պաշտպանության նախարարները: Եվ Մերցը, և Մակրոնը ընդգծել են, որ մտադիր են ամրապնդել ֆրանս-գերմանական հարաբերությունները։
