Երևանի ավագանու ՔՊ խմբակցության անդամ Միքայել Խաչատրյանը ֆեյսբուքյան իր էջում գրել է.
«ՀՀԿ երիտասարդական կառույցի ղեկավար Հենրիխ Դանիելյան անունով մի հանրապետական ֆեյսբուքյան իր էջով փորձել է անդրադառնալ, եթե այդպես կարելի է կոչել, Երևան քաղաքին, քաղաքապետարանին և առհասարակ քաղաքում տեղի ունեցող աննախադեպ ծավալներ ունեցող աշխատանքներին։
Հանրապետականները մոռացել են երևի իրենց և իրենց քաղաքական թիմի անդամների կողմից Երևանը կառավարած ժամանակահատվածը։ Կոռուպցիայից է խոսում մի քաղաքական ուժի ներկայացուցիչ, ում ժամանակ առանց սկզբից քեշը տեսնելու, որևէ որոշում չի կայացվել։
Մահվան վերելակներ, հուսահատության գազելներ, հարուրավոր բակեր, պոլիկլինիկաներ, մանկապարտեզներ, սպորտային դպրոցներ, երաժշտական դպրոցներ, լուսավորման արդիականացված համակարգ և մի շատ երկար շարքով խնդիրներ....
Բա լուծեիր, Հանրապետական կուսակցություն,
Լուծեիր ձեր Տարոն Մարգարյանի, ձեր չոռնի Գագոների և մյուսների ժամանակ։
Տասնամյակներ շարունակ երևանցուն թողնելով վատ ու սարսափելի պայմաններում` դուք հիմա ինչի՞ մասին եք առհասարակ փորձում խոսել։
Եվ այո վերը նշված խնդիրները հենց մենք ենք լուծել, մեր քաղաքական ուժն է լուծել և շարունակելու ենք լուծել ու ոչ մի հանրապետական, ոչ մի դաշնակ, ոչ մի կոռումպացված և ժողովրդի կողմից մերժված մեզ չի կարող կանգնեցնել»։
