Եթե դա համարում եք թուլություն, ապա դուք առերևույթ կողմ եք, որ նրանք շրջեն թիկնազորով և զրահապատ մեքենաներով. Հովհաննիսյան

Իրավապաշտպան Զարուհի Հովհաննիսյանը «Ֆեյսբուքի» իր էջում գրել է.

«Եթե պետական գործչի ընտանիքի անդամը հրաժարվում է պետական պահպանության ծառայությունից, ուրեմն հանրությունը պետք է նրա հանդեպ առավել հոգատար գտնվի։ Փաստացի, նա չի պատնեշվում ձեզնից, վստահում է ձեզ, չի վախենում կամ խուսափում ձեզնից։

Եթե համարում եք դա թուլություն և հեշտ ու հասանելի թիրախ եք համարում նման մարդուն, ապա դուք առերևույթ կողմ եք, որ պաշտոնյաների զավակները շրջեն թիկնազորով և զրահապատ մեքենաներով, չշփվեն ու չհայտնվեն այն վայրերում, որտեղ դուք եք, չապրեն սովորական մարդու կյանքով և պահպանության ծառայության վրա վատնեն ձեր հարկային միջոցները։

Հա, մեկ էլ․ իրավապաշտպան գործունեությունը համընդհանուր, համամարդկային արժեքների վրա հիմնված մոտեցումներ է ներառում։ Այն չի ճանաչում  գաղափարակիցներ, հակառակորդներ, մերձավորներ և հեռավորներ։ Բխում է զուտ այն պարզ սկզբունքից, որ բոլորս մարդ ենք․ ու բոլորի իրավունքները կարևոր են։ 
Ուստի, իրավապաշտպան գործունեության շրջանակում ես համախոհներ ու հակառակորդներ չունեմ»։

Նմանատիպ նյութեր

Իրանին «փրկիչ» դիտելուց զատ, վատ չէր լինի դիտարկել նաև «պատժիչ». Հակոբ Բադալյան

Երեկ, 10:29

Իրանի ԱԽ քարտուղարը, Թեհրանում ընդունելով Հայաստանի ԱԽ քարտուղարին, ասում է, որ Կովկասում տարածաշրջանի աշխարհաքաղաքականության ցանկացած փոփոխություն կհանգեցնի անվտանգության բացակայության, անկայունության եւ ճգնաժամի խորացման: Սա գործնականում ուղիղ զգուշացում է Հայաստանին՝ չանել քայլեր, որոնք կփոխեն «ռեգիոնի աշխարհաքաղաքականությունը»:

Ես չեմ հավատում, որ այսօր կա մի հայ, որի սրտից արյուն չի գնում․ Ալեն Սիմոնյան

30 Սեպտեմբերի, 11:46

Մենք սիրում ենք պատմել և խոսել, թե որքան հին ազգ ենք մենք, բայց ի՞նչ ենք մենք սովորել այդ հազարավոր տարիների ընթացքում:

Եթե երկու օր առաջ մարդիկ 2 ժամվա ճանապարհը անցնում էին 32 ժամում, հիմա՝ 24 ժամում տեղ են հասնում. Ղահրամանյան (ԼՈՒՍԱՆԿԱՐՆԵՐ)

28 Սեպտեմբերի, 11:50

Ավտոստոպով Երևանից հասա քաղաք Գորիս։ Այնտեղից լուսաբացին ճանապրհվեցի դեպի Կոռնիձոր, որտեղ շարունակում են գալ Արցախից բռնի տեղահանված մեր հայրենակիցները։ Առավոտվանից Կոռնիձորի գրանցման կետում մարդկանց էլ չեն կանգնեցնում, ինչի արդյունքում բավականին թեթևացել են խցանումները։ Եթե երկու օր առաջ մարդիկ 2 ժամվա ճանապարհը անցնում էին 32 ժամում, հիմա արդեն 24 ժամում մարդիկ տեղ են հասնում։