Մի շարք ոլորտներում մեծ աճ ունենք. Կառավարության նիստում ասել է էկոնոմիկայի նախարար Գևորգ Պապոյանը։
«Օրինակ, քիմիայի, ծխախոտի, սննդի արդյունաբերության, հանքագործության և այլ ոլորտներում արտադրությունն էական աճել է»,- ասել է Պապոյանը։
Վարչապետ Փաշինյանը հավելեց, որ մայիսին աշխատատեղերի բացարձակ ռեկորդ է եղել.
«Հայաստանում աշխատավարձով ապահովված 790.320 աշխատատեղ է գրանցվել, որը 2018 թվականի մայիսի նկատմամբ ավելի է 242.331-ով կամ 44%-ով»,- ասել է Փաշինյանը։
Նա նշել է նաև, որ եկամտային հարկի ցուցանիշը 2018 թվականի մայիսի համեմատ կրկնապատկվել է։
«Հարկային եկամուտներն ավելի քան կրկնապատկվել են՝ 101%-ով, իսկ միջին աշխատավարձն աճել է 74%-ով»,- ասել է վարչապետը։
