Քաղաքական
Հայաստանն այսպիսով կունենա հնարավորություն ունենալ երկաթուղային կապ արտաքին աշխարհի հետ. Փաշինյան
«Թրամփի ուղի» նախագիծը միայն երկաթուղու մասին չէ, այստեղ առանցքային նշանակություն ունեն պոտենցիալ խողովակաշարերը՝ գազամուղ, նավթամուղ, էլեկտրահաղորդման գծեր, որոնք անցնելու են Հայաստանով, ասել է ՀՀ վարչապետ Նիկոլ Փաշինյանը Վաշինգտոնում լրագրողների հետ զրույցում։
Նա նշել է, որ ՀՀ ապաշրջափակում է տեղի ունենում: Հայաստանն այսպիսով կունենա հնարավորություն ունենալ երկաթուղային կապ արտաքին աշխարհի հետ:
«Այսօր ստորագրված փաստաթղթում հստակ նշված է. ճանապարհների բացումն իրականացվում է տարածքային ամբողջականության, ինքնիշխանության, իրավասության և փոխադարձության հիման վրա։ «Միջանցք» տերմինը այնտեղ չկա»,- ասել է նա։
«Այսօր իսկապես պատմական իրադարձություն տեղի ունեցավ։ Կարող ենք արձանագրել, որ Հայաստանի և Ադրբեջանի միջև հաստատվեց խաղաղություն։ Իհարկե, հաստատված խաղաղությունը պետք է շարունակենք նաև ինստիտուցիոնալիզացնել և այդ սկսված գործընթացը, իհարկե, կշարունակվի»,- նշել է վարչապետը։
Փաշինյանի գնահատմամբ՝ տեղի ունեցածը կարևոր հաջողություն է ինչպես Հայաստանի ու Ադրբեջանի, այնպես էլ ամբողջ տարածաշրջանի համար։
