Քաղաքական
Ընդդիմությունը չի մասնակցի ահաբեկչությունը դատապարտող հայտարարության քննարկմանը
Ազգային ժողովում այսօր ժամը 17։00-ինն կմեկնարկի արտահերթ նստաշրջան. տեղեկացրել է ԱԺ նախագահ Ալեն Սիմոնյանը։
«Արտահերթ նստաշրջանը նախաձեռնել է «Քաղաքացիական պայմանագիր» խմբակցությունը՝ նպատակ ունենալով ընդունել ահաբեկչությունը դատապարտող ԱԺ հայտարարություն»,- ասել է խմբակցության ղեկավար Հայկ Կոնջորյանը։
«Հայաստան» խմբակցությունը հայտարարեց, որ չի մասնակցելու նիստին։
«Նախագիծը ոչ միայն անընդունելի է իր բովանդակային և կեղծ տեղեկությունների առումով, այլև ուղիղ միջամտություն է նախաքննական մարմիններին։ Ահաբեկչությունը մենք դատապարտում ենք, այդ թվում՝ պետական մակարդակով կազմակերպված ահաբեկչությունը, և դատապարտում ենք բռնության ցանկացած գործադրում, բայց այն, ինչ ներկայացվում է որպես քննարկում, ուղղորդում և ուղիղ միջամտություն է իրավապահ մարմինների աշխատանքին»,- ասել է պատգամավոր Արծվիկ Մինասյանը։
«Պատիվ ունեմ» խմբակցությունը ևս չի մասնակցի նիստին։
«Մեր խմբակցությունն իշխանության կազմակերպած քարոզչական շոուներին չի մասնակցում»,- ասել է խմբակցության ղեկավարը։
ՔՊ պատգամավոր Հասմիկ Հակոբյանը նշեց, որ կանխված ահաբեկչությանը վերաբերող նյութերում կան նաև ընդդիմադիր պատգամավորների անուններ.
