ՀԱՊԿ-ում գտնվելը որոշակի խնդիրներ ստեղծում է, բայց չի սահմանափակում մեր համագործակցությունը տարբեր երկրների հետ. Գրիգորյան. Լուրեր
Քաղաքական
4 Հունիսի, 22:32
ՀԱՊԿ-ը նախկինում որոշակի սահմանափակումներ էր ստեղծում այլ գործընկերների հետ անվտանգության ոլորտում համագործակցություն ունենալու: Այս մասին «Լուրեր»-ի հետ զրույցում ասել է ԱԽ քարտուղար Արմեն Գրիգորյանը:
«Այս պահին ՀԱՊԿ-ում գտնվելը մեծ հաշվով որոշակի խնդիրներ ստեղծում է, բայց չի սահմանափակում մեր համագործակցությունը տարբեր երկրների հետ»,- ասաց Գրիգորյանը՝ շեշտելով, որ Հայաստանն ինտենսիվ աշխատում է արևմտյան գործընկերների հետ անվտանգության ոլորտում հարաբերություններն ամրապնդելու հարցում:
Հարցին, թե ՀԱՊԿ-ում Հայաստանի գտնվելն ինչին է նպաստում, Արմեն Գրիգորյանը պատասխանեց. «Դժվար կլինի նպաստելու որևէ օրինակ գտնել 2020թ.-ից սկսած, որովհետև 3 լայնածավալ պատերազմ է սկսվել Ադրբեջանի կողմից, և այդ հարձակումների ժամանակ ՀԱՊԿ-ը որևէ աջակցություն ՀՀ-ին ցույց չի տվել»-ասել է Գրիգորյանը:
ԱԽ քարտուղարը նկատում է նաև, երբ Հայաստանը այլընտրանքներ է փնտրել, որոնել և գտել է, ինչպիսին ԵՄ քաղաքացիական դիտորդական առաքելությունն է ՀՀ-ում, դրանից հետո ՀԱՊԿ-ը սկսել է առաջարկել իր օգնությունը:
«ՀՀ-ն 3 անգամ հարձակման է ենթարկվել, և վերջում, այսպես կոչված, ռազմական դաշինքը Հայաստանին առաջարկում է փաստահավաք առաքելություն․ սա առնվազն լուրջ չէ»։
Հետևեք մեզ Telegram-ում
