Լոնդոնում տեղի է ունեցել «Սուպերմեն» ֆիլմի պաշտոնական պրեմիերան, որը վերակենդանացնում է DC Universe-ը՝ Warner Bros ստուդիայի ներքո։ Գլխավոր դերում հանդես է գալիս Դևիդ Քորենսվեթը, ով մարմնավորում է Կլարկ Քենթին՝ Սուպերմենի կերպարին։
Քորենսվեթը, որ մինչ այս առավելապես հայտնի էր «The Politician» և «Hollywood» հեռուստասերիալներով, ինչպես նաև «Twisters» և «Pearl» ֆիլմերով, պատմել է, որ ֆիլմում Սուպերմենի կոստյումը կրելը մեծ վստահություն է ներշնչել։
Ֆիլմի ռեժիսոր և սցենարիստ Ջեյմս Գանը նշել է, որ նոր «Սուպերմեն»-ը հիմնված է կոմիքսների և նախորդ կինոէկրանավորումների վրա, սակայն կենտրոնանում է բարյացակամության և մարդասիրության գաղափարների վրա։
«Սա ֆիլմ է բարի լինելու մասին։ Այսօրվա աշխարհում դա, կարծես, ամենաարդիականն է», - ասել է Գանը՝ հավելելով, որ ֆիլմում միաժամանակ ներառված են գերբնական տարրեր՝ հսկա հրեշներ, թռչող շներ, ռոբոտներ և տիեզերական ճակատամարտեր։
Լուիս Լեյնի դերում հանդես է գալիս «The Marvelous Mrs. Maisel» սերիալի աստղ Ռեյչել Բրոսնահանը, իսկ Լեքս Լյութերին մարմնավորում է Նիկոլաս Հոլթը («X-Men», «Nosferatu», «About a Boy»): Հոլթը նշել է, որ իր կերպարի համար ոգեշնչվել է «All-Star Superman» կոմիքսից՝ պատկերելով Լեքս Լյութերին որպես խիստ զարգացած, ինքնավստահ հակահերոս։
«Սուպերմեն»-ի համաշխարհային պրեմիերան կմեկնարկի հուլիսի 9-ին։
