ԱԺ «Հայաստան» խմբակցության պատգամավոր Արթուր Խաչատրյանը հայտարարել է, թե հանրային կարծիքի բոլոր ուսումնասիրությունները ցույց են տալիս, որ ամենացածր հեղինակությունն ունեցող ինստիտուտն ԱԺ-ն է․
«Դրա մեջ իր մեծագույն դերն ունի ԱԺ նիստերի կառավարման պրակտիկան՝ ընտրողական մոտեցումը սանկցիաների կիրառման հարցում»,- ասել է նա։
Խաչատրյանը նշել է, որ, ի տարբերություն ԱԺ-ի, ամենաբարձր հեղինակություն ունեցողը Հայ առաքելական եկեղեցին է. «Քննադատելով Հայ առաքելական սուրբ եկեղեցուն՝ մի հատ նայեք, թե դուք, մենք, բոլորս ինչ խայտառակ վարկանիշ ունենք»։
Նա շնորհակալություն է հայտնել դատախազին՝ պարզաբանման համար, որ քրեական որևէ գործ չկա երրորդ պետությունների կողմից սադրված հեղաշրջման փորձի կապակցությամբ։